tiatr, tiatrists, ani.....

+++++++++++++++++
RONGANT RONGLO MI

- Cursino R. Pinho


Bardezchi rajdhani, Goyant Purtugez yeunche mh adim savn Mhapxenchem nogor zaun asa ani ani azunui tem toxem zaun asa. Mhapxem xharantle Su zaite put-dhuvo veg-vegllea kxetrant porzoll'lIeat ani sonvsarant nanvlovkek pavleat Shrirang Pandurang Narvekar ho horxim pollovpak sadharonn veokti, ek porzollit mollbavelem nokhetr zaunk pavot mhunn konnenuch chintunk naslem zait. Aiz Shrirangak nhoich akhkhea Gomantakant bogor Goyabhair ek nam'necho nattya kolakar, digdorspi ani nattkam machier haddun dakhovpi udar kallzacho contractor mhunn vollkhotat. Taka lagun Goykarank borim-borim Moratthi nattkam ani kovtik tiatr pollounk mellttale, oxem mhonnlear il'li-i otitay zaunchi na. Sodanch hanstea tonddacho, borea-vaittak udar kallzan pavpacho Shrirang mhaka zalear tosoch asaso dista.

Marsache 29ver, Gomant Kolakar Songhachea 50vea vordhapon-disa nimitan Rongant Ronglo Mi hea tachea Moratthi pustokachem prokaxon, Vaishya Sobhaghorant, Mhapxem hanga vhodda dobajean zalem. Adv. Ramakant Khalap, Padmashri Pandit Samprosad Sawkar, Padmashri Suresh Amonkar, Sudhabai Amonkar, Maji Sobhapoti Surendra Sirsat ani her manest soire hea dobajeak muzrot hajir asle. Dor eka manachea soirean ap-aplea ulovpant Shrirang bhai-i nattyakolechea rongant koso ronglo, tachea jivitacher adharun spoxtt kolloun dilem. Shrirang-a oslo vixal kallzacho monis atanchea jogant sodunk gelear legit sompeponnim mellonk kotthinn, oxem kaim zonnamni sangun dilem. Zalear Adv. Khalap baban taka Rongshri podvi, padmashri bhoxen favo zata, oxem vhodde umedin sanglem.

Rongant Ronglo Mi hea pustokachea vimochona nimtan anik ek mhotvachi ghoddnnuk Te Bhayi Shrirang Narvekar hanchea hatantlean ghoddil'li hanvem chokasur zaun polleli; ti Me mhollear Shrirangan aplea sangati sohokari nott ani notteancho vhodd sonmanan sotkar kelo. Sumar pon'nas nattkantlea sohobhageleank Shrifoll, fulancho- turo ani shal diun tancho bhovman kelo. Hanchemodim kaim sapp zannttele zalear choddxe utar pirayeche asle. Tanchim nanvam ghetana ani tanche vixim don utram sangtana Shrirangak kitli umed bhogtali tem tachea hanskurea mukhamollavoilean sid'dh zatalem. Oslem udarponn adim hanvem khoinch pollounk naslem. Ji khuxalkay Shrirangak ani tachea kuttumbak bhoglea tich khuxalkay dor eke sotkarmurtek bhoglea astoli, hatunt i1'loi dubhav asom nozo.

Shrirang Narvekar dhorman Hindu; torui dor ekleak aple ixtt mhunn cholovpi oso ho sado monis. Adar magtoleank tachem dar sodanch ugtem. Dhorm pollenastana konnakui pavpi oso ho monis. Mhapsa nogorpalikecho councillor koso lokanchea gorzank pavtalo, hachi zaite govaiki ditat. Atam councillor naslo zalear legit Shrirang bhayichi bud'd upegak poddlea xivai ravona, oxem zaite mhonnttat. Mapusa Azilo Hospittolache Visiting Committee-cho vang'ddi koso gorjevontank alaxiro diunk fuddem dhanvpi Shrirang bariksannin vaspus kelea xivai ravo naslo. Dhondean sora vikpi Shrirang soreacho ghontt chakina mhunn Shrirang aplea pustokant boroita.

Mhoji ani Shrirang Narvekarachi vollokh 1968 Kala Akademin ghoddun haddil'lea Natya Shibirantlean zali. Hem xibir New Goa High School-ant choltalem. Shri Prabhakar Gupte, Punneche hea xibirachem sonchalon choloitale. Sumar challis te ponchechallis xibirant vantto ghevpi asle, tatunt panch-so cholio. Shrirang Mhapxekar zal'lean heram modem porzollttalo. Ten'nanch amchi vollokh zali. Magir ami yeun vochon eka meka kodden sombondh dovrit asle.

Mapusa Merchant Crib-icho vangddi zal'lean vaddeantlea bhurgeank gheun gotteakodden tiatr machier haddpak Shrirangan adar dila to visrunk zaina. Goyant Congress pokx zago korpant Shrirang Narvekaranchea Mhapxenchea mattvant survat zali. Mattovbhor axil'lea lokamni Congress-ichi sotea Goyant haddunk bhas diloli. Heach mattvant. Sham Sundor Nevgy-ak Mhapxencho amdar mhunn venchun kaddttole mhunn utor dil'lem ani tem sakar korun dakhoilem. Shrirangachem ulovop aikonk lok kan fuloun ravle. Hoch to Shrirang zo konnachi porva korinastana dhaddsan mukhar soro. Tachea pustokachea vimochonak porxim amontronn dilem ani yenastana ravonaka mhunn sanglem mhunn hanv muzrot pavlom.
Konknni Cholchitr "Sukhachem Sopon" hatunt sompil'lea AI Jerry Bragazan Shrirangak ek Hindu sezareachi bhumika dil'li. Hi khobor kaddttoch apunn cinema actor mhunn to khuxen bhorta. AI Jerry Braganza ani Shrirang Narvekar ekach Mhapxenchea vaddeant ravtale, Onsabhattant. Zait ghoddiek haka lagun Jerry Braganzan Shrirangak aplea filmant sezari mhunn venchlo.

Hea disamni Shrirang Israel vochpacho asa . Jezuchea zolma desak bhett diun ek pustok borovpak chint'ta. Him tachim chintnam sakar zaum mhunn amche anvdde.
Anik ek khobor ji Shrirang sorv dhormancho monis mhunn veokt korta; ti mhollear jen'na amchea desant Janata Party-cho novo sorkar , nivddun aile ani Shri Morarji Dessai prodhan montri mhunn raj korunk laglo, ten'na tannim Freedom of Religion Bill oso kaido korun khoincheach dhormant bollan conversion korunk zaunchem na, oxi bondi haddun Sonsoddent vo Parliamentant kaido korun pas korunk sodi. Hea Bill-ak virodh korunk Catholic Povitr Sobha (church) ani zaite her dhormanche vicharvont ube zale. Amchea Goyantui hea Bill-ak virodh korunk zaiteo zomati ani rally ghoddun haddil'leo. Ten'na Shrirang dhorman Hindu zaunui hea BiII-ak virodh Mhapxe xharant ghoddun haddil'le zomatint pott'tiddken uloil'leacho mhaka sarko ugddas asa.

Rongant Ronglo Mi hea tachea pustokant nattya kolent rongil'lo Shrirang aplea jivitache godd ani koddu onnbhov eka mottea dhaddsan boroita. Vachpeanchea dolleam mukhar Gomantakache nattya kolecho itihas sompo korun ani apunn ek kolakar koso porzoll'lIom tem dakhoun dita. Hem pustok vachtoch khoreaninch Shrirang Rongant Ronglom Hanv, oxem spoxtt zata.

GULAB/Jun 2009 hanchea upkarant.

Tiatr - 'Hanv Porot ietelim"

'Hanv Porot ietelim" Kuttumbik jivitacher
bhor ghalta

Monxa thaim duddu astoch, upyog korche bodlek aplea faideak poddta te bhaxen to tancho durupyog korta. Duddvancho vapor korun, to dusreanchem jivit pisuddta, ghorabeache vantte korta ani nisontonnak pavoita..
Duddu aslearuch tujean tuka ek bori nokri melloun gheunk zata. Oxikxit mon’xak duddvanchea adaran ek nokri sompeponnim favo zata.
Rosario Pereira (Satyawant Tari) ek girest bhattkar. Aplea dogam bhurgeam Cajie (Socorro de Santa Cruz) ani Candy (Felina) sangata to jiyeta. Tache thaim duddu asat dekun, bailam sangata mouz marun to aple dis sarta ani aple duddu oxech ogddaita.
Toslea dhondeant bes- bore toren misoll zaunk, ganvcho Lonvddo (Cyril Almeida) taka bhorpur adar korta.
Rosaline (Maria Martins) eka gorib kuttumbantli ostori. Aplea supurlea putak, Remmie (Cameron) borem xikop diun, taka ek vhodd monis korunk ti sopnam sopneta. Ek dis obsoegak sampddon, ticho put boroch zokhmi zata.
Duddvanche oddchonnek lagon, Rosaline Rosario-chea darar marta. Vangdda xiktana, Rosaline-an apleacher thapott marloleacho Rosariok ugddas ieta ani ticho ani tichea ghorabeacho bodla gheunk tozvit korta. Tiche kuddicho faido gheun, to tika duddvancho adar korta.
Kolejichem xikop kortana, jednam Remmie (Peter de Merces) Candy-chea mogan poddta, tednam tankam doxim korunk Rosario Rosalineacheo vaitt goxtteo Remmiek sangta.
Remmie aple avoik eksuri soddun, Candy sangata jiyeta. Punn eke norsichi nokri kortana, Candy Dr. Alvares (Baptist)-achea mogan poddta ani Remmiek kikont korta. Jivitant harovlo dekun, Remmie Rosariocho bodla ghetana, tacho thoinch xevott zata.
Loukik tiatristank koddek dovrun, ani novea kolakarank gheun, Socorron aplea tiatrachi kotha sadea vixoyacher manddlea. Dor eka kolakaran ap-apli bhumika bore toren kelea.
Soglea kolaram modhem Satyawant Tari ek bhattkar koso ani Cyril Almeida ek Lonvddo koso borech porzolltat.
Kantaram babtint, baba Cameron-achem ‘Kazaram' hea kantarak lokak koddchean boro ievkar mell'lo. Toxench Jose de Agasaim hachem 'Ontoskorn', Socorro de Santa Cruz ani Sonia-chem 'Bharat amcho des,' Ruzai, Felina ani Sonian gailolem 'Nors' him kantaram suvadik aslim ani boro sondex ditalim. V Ixtt Socorro-ak ani tachea pongddak tiatr machier borem ies anvddeta.



DIGDORSPI ULOITA
* Tin vorsam fattim hanvem mhozo poiloch tiatr 'Kantte' machier Sador kelo.
* Mhoje tiatr kuttumbik jivitacher attaplole asat.
* Tiatr boro aslear tea-tea digdorspeak lokam modhem boro ievkar mellta.
* Mhojea chodd-xe kolakar tornne ani Tisvaddi talukentle. Nhoinch Saxttint punn Tisvaddint-ui bore tiatrist asat mhonn hanv dakholl korunk sodhtam.

P. Agxekar

"Hanv Tiatr Boroitam" a Konkani comedy video film

The Humorous Writer

by J P PEREIRA

"Hanv Tiatr Boroitam" a comedy video film produced by Custodio Fernandes and written, directed by Jacinto Gracias has liberal doses of humour. The film recounts the troubles of a writer, director of Konkani drama who wants to present his work on stage but cannot do so, due to paucity of funds and actors who play truant. His nagging wife and a couple of young lovers add to his woes and the man decides to give up his dream. Till one day a good Samaritan walks in. The rest is to be watched on the video film.
The cast has Annie Quadros playing the nagging wife to perfection. Anita Fernandes is one of the young lovers, acts and dresses well, looks pretty stylish especially in the song sequence with Bernard. For once, the song and choreography in a Konkani film is great to watch. Humbert creates lots of humour as the main character, the down and out �tiatrist�, supported well by Marcos. Bernard, Jacinto, Josico and Reginaldo are the others in the cast.
Filmed by Rajendra Sawant, the video has background music from Angelo and songs by Rosario de Benaulim, Socorro de Santa Cruz and Aniceto. A film that is worth watching. Please do buy your own copy.

www.navhindtimes.com

Photojournalist Menino Afonso is no more

Photojournalist Menino Afonso is no more
HERALD REPORTER
PANJIM, OCT 10, 2008

Goa’s famed photojournalist of 1980s and 1990s Menino Afonso, died early Friday morning. The 58-year old photojournalist, who created ripples with his photos during his hey days, was Herald’s accredited photographer for many.

Afonso was the first photographer to start photography classes. Many of his students who have made a name for themselves have attributed their success to him. Recently, he was felicitated by PJAG in Panjim. Afonso had also penned and directed several tiatrs and had won many Kala Academy awards in tiatr competitions. His funeral will take place on October 11. There will be Eucharistic celebration at Immaculate Conception Church, Panjim at 4 pm followed by burial at St Inez cemetery.